Skin Cleansing Beauty Tips in Urdu, Hindi

Hum jis mahol mein rehtay hain wahan fizaii aalodgi say bohut si beemariyaan janam laiti hain. Inn mein sub say ziada paida honay wali bemaariyaan jild ki bemaariya hain. Munasib safaai ka khayaal na rakha jaye tou jild ki bohut si beemariyaan janam laity hain.

Cleansing Tips in Urdu:

• Ghar per cleansing kay liye dhoodh ya balaai mein leemoon ka rus mila lain aur cleansing kay liye isstemaal karain. Na sirf jild saaf jo jaye gi balkay chehray per ronaq bhi aye gi.
• Chahray per jami dhool aur gard o gubaar saaf kernay ka aik bohat asaan tareeqa yeh hay keh aap jau kay atay main chand qatray lemon ka rus daal lain phir iss  amaizay say massage krain. Iss  terah aap ki rangat mazeed nikher jaye gi.

• Jau kay atay mein shehed aur zaitoon ka tail shamil ker lain aur thora sa paani mila ker amaiza tayyar ker lain. Ab iss ko chehray per laga ker khoob rager lain aur paani say dho lain. Tamaam mail aur gard o gubaar saaf ho jaye ga.
• Khashkhaas aur badaam mila kar khoob achi terha pees lain aur phir us main dhoodh mila ker achi terha mix ker lain. Raat ko sonay say pehlay yeh mixture chehray per laga ker halkay hathon say massage karain aur chehra dhoay baghair so jain. Subah uth kar chehray ko achi terha dho lain. Yah nuskha rangat nikharny main madadgar hy r khskhash es  main scrub ka kam krti hy. Lahaza  yah jild ki murda tah ko utarta hy aur chahray kay masam kholta hy.
• Agar ap ki jild hsas hy tu ap ko sabun kay buhat zyada istemal asy guraiz kerna chahiay. Kiyun keh iss say allergy honay kay mawaqay barh jatay hain iss liay ap ko jild kay masail ko hal karnay kay liye qudarti tootkay istemal kernay chahiye. Raat ko sonay say pehlay cleansing karnay say din main jami chehray ka gard o gubar saaf ho jata hai aur aglay din chahra tar o taza r khobsorat nazar ata hay.
• Bleach cream kay istemal say jild bohat ziada mutasir hoti hay. Yeh chehray ki operi jild ko jala dyti hai.
• Bhaap laina bhi cleansing kay liye mufeed samjha jata hai. Bohut si khawateeen beauty salons ja ker cleansing aur steam yani bhaap lainay ko behter samajhti hain mager bhaap lain asaan kaam hai aur iss kay liye aapko ziada mehnat ki bhi zaroorat nahi. Aik khulay bartan mein paani ubalnay kay liye rakh dain aur jub paani ubalnay lagay tou aik tolia yani towel lay ket sir kay ooper say daal lain aur paani say nikalnay wali bhaap ko kuch dair kay liye chehray per lain taa kay jild naram ho jaye aur chehray kay masaam khul jain. Ab chehray ko roi ki madad say saaf karain aur naak per keel hoon tou roi ki madad say nikalain. Koi acha moisturizing lotion laga ker massage karain aur roi ki madad say saaf ker lain tou tmaam gard o gubar saaf ho jain gay. Iss kay baad thanday paani mein roi dabo lain aur chehray per phair lain. Khulay masaam bund ho jain gay.
• Hamesha makeup saaf ker kay soain. Aur raat ko cleansing ki routine bna lain. Iss say jild saaf aur masaail ka shikar nahi hoti.