Beauty Tips for Longer Lusher Eyelashes in Urdu/ Hindi– Ghani Palkain

Ghani palkain ( lusher eyelashes) aur raishmi zulfain – her shair ki ghazal mein zikar hai in ka aur her mard ki kamzori bhi. Na janay kitnay hi kalam in per kahay jaa chukay hain aur aaj bhi agar dekha jaye tu husn o arayaish ki baat chalay tu sab sey pehlay khoobsoorat ghanairi palkon aur ghani siyiah zulfon ka zikar hua karta hai. Jin ki palkain ghani na hon woh naqli palkein laga ker guzara kar skti hain lekin kab tak? Aap janti hon gi kay naqli palkain lagana koi itna asaan kaam nahi aur asli aur naqli ka koi muqabala nahi. Agar aap apni palkain haseen, ghanni aur lambi karna chahti hain taa kay aap ki ankhain khoobsoorat lagain aur ap kay chehray per malkooti husn numyian honay lagay tu aisa kijye kay neechay di gai beauty tips parh lijye. Inn beauty tips ko  bohut so nay azmaya hai aap bhi azmaa lijye aur apni palkon ko haseen bana lijye.

Beauty Tips for Eyelashes (Palkain):

Ghanairi haseen palkon ka raaz hai umda aur behtreen ghazaa aur un ki dekh rekh. Ap ki palkain ap ki ankhon ki hifazat karti hain aur unhay khoobsoorat bananay mein ahem kirdaar ada karti hain. Kuch logo ko warasat mein lambi aur ghanni palkain ataa ho jati hain per agar aap wesi khushkismet nahi tu ghabranay ki koi baat nahi. Aap petroleum jelly lay lijye aur apni ankhon kay makeup ko iss saaf kijye. Yeh behtreen makeup saaf karnay ki tarkeeb hai aur na sirf palkon ko naram karti hain balkay lamba karnay mein madadgaar hai. Sab se achi baat yeh kay her ghar mein petroleum jelly mojood hoti hai aur agar nahi bhi hai tu aap bazaar se asani sey khareed lain. Yeh bilkul mehngi nahi hoti aur koi bhi is ko khareed skta hai. Petroleum jelly raat ko laga ker sjayei aur subah uth ker ankhain achay sey dho lijye.

Kia ap ko khabar hai kay green tea ya sabz chaye ap ko motapaa khatam karnay mein madad kartay hain? Aur green tea ya sabz chaye kisi royii ya cotton ball ki madad se apni ankhon per palkon ki jaron mein lagyein gi tu ap ki palkain ghani aur lambi ho jayein gi. Hamein umeed hai kay bohut kam khwateen ko sabz chaye ki is khasoosiyiat ka ilm ho ga lekin aap is nuskhay ko istemal kr k dekhyei aur haseen ban jayei.

Apni palkon mein zaitoon ka tail lagayei jo na sirf in ki hifazat karay ga, in ki jarein mazboot banaye ga balkay palko ki lambai mein ghair maamooli izafa bhi karay ga. Apni palkon per mascara kabhi bhi raat bhar na choryei. Iss se ap ki palkay kamzor ho jayein gi aur jharnay lagain gi. Rozana zaitoon k tail se malish krain sonay se pehlay aur aik saaf mascara brush lay ker in ki kanghi krein. Iss amal se palkain ghani, mazboot aur shandaar lambi ho jayein gi. Agar aap chahain tu zaoroon kay tail kay dibay mein ik leemoo kaat ker daal lain. Kuch din para rehnay dain aur phir is tail ko istemal krein. Yeh ap ki palkon ko bohut khoobsoorat aur ankhon ko beemari se bachaye ga. Aur apni khoobsoorti kay liye apni khoraak per tawajah dena bilkul na bhoolyei. Paani zaroor pijye kam az kam 8 glass rozana. Hamain umeed hai kay yeh gheruloo totkay ap kay bayhad kaam ayein gay aur ap apnay aap ko haseen se haseen tar bananay kay liye yaqeenan in ko istemal krein gi.

Tips for Soft and Silky Hair in Urdu / Hindi

Sir kay baal Khuda ka diya wo attiya hain jo insaan ki zaahiri khoobsurti ko chaar chaand laga deta hai. Yehi wajah hai kay larkian din raat apnay baalon ki hifaazat mei lagi rehti hain aur apnay baalon ko naram aur mulayem bananay kay liye totkay talaash karti rehti hain. Baal insaani jism ka intahai naazuk hissa hain jo zara si bad’ehtiyaati say kharab ho jatay hain. Agar baalon ki sahi nasho’numa par dhayan na diya jaye tou iss say baalon ki sehat par bura asar parta hai.

Top Tips for Soft and Silky Hair:

Iss mazmoon mei baalon ko naram aur mulayem bananay kay chand totkay paish kiye ja rahay hain:

1)      Baaloon kin ash o numa kay liye sub say aham baat apki khooraak hai. Achi ghiza apkay balloon ki achi sehat kay liye intehaii zaroori hai. Layhaaza apni ghiza ka bohut khayaal rakhain. Apni khoraaak mein daalain, fruits, sabziyaan, gosht wagaira shamil karain.

2)      Apnay baalon kay liye behtreen shampoo ka intikhab karain. Aisa shampoo hargiz na istamaal karain jo aap kay baalon ki saakht ko nuksaan pohnchaye. Mager ghalairo totkoon ka istemaal intehai faida baksh hai.

3)      Shampoo kernay kay baad 2 andoon ki sufaidi lay ker baaloon mein lagain aur 10 say 15 minute tuk laga rehnay dain. Iskay baad neem garam paani say baal dho lain. Baal naram o mulaim ho jain gay.

4)      Baalon ko intahai garam paani say na dhoyain balkay neem garam paani say dhoain. Intahai garam paani baalon ki satah ko kharab kar deta hai.

5)      Jub aap baal dho lain tou apnay geelay baalon ko toliyay say aaram say saaf karain. Zor zor say baal saaf karnay say baal oon ki jarain(roots) kamzor ho jati hain.

6)      Baal dhonay say kuch ghantay pehlay badaam ka tail lagain aur achi terha massage karain. Massage kernay say khoon ki rawani behter hoti hai aur bal mazboot hotay hain. Akser badaam kay tail ki maalish apkay baaloon ko narm o mulaaim bnati hai.

7)      2 anday lay ker inko zaitoon kay tail mein mix karain aura chi terha balloon mein lagain aur 20 say 25 minute kay baad sir dho lain. Ap kay bal rasham ki terha narm ho jain gay.

8)      Baaloon ko chamakdaar bnanay k liye aloe vera gel ko shampoo kay sath mila ker baal dhonay say baal narm aur chamakdaar ho jatay hain.

9)      Baalon par bijli kay garam aalaat jaise straightening irons kum say kum istamaal karain.

10)   Aik anday mei dahi shaamil karain aur isay sur ki jild par 10 say 15 minute lagayen. Uss kay baad baalon ko dho lain. Iss say baal naram rahain gay aur tootain gay nahi.

11)   Haftay mei aik baar sur mei naariyal ya zaitoon kay tail ki maalish zaroor karain.

12)   Sarsoon ka tail, dahi aur leemooon mila ker sir per lagain aur aadhay ghantay baad dho lain. Baal khoobsorat aur chamakdaar ho jain gay.

In tajaweez par amal kar kay apnay baalon ko naram aur mulayem banayen aur apni shakhsiyat ki khoobsoorti aur pur aitemaadi mein izaafa karain.

Beauty Tips in Urdu for Pink Lips

Khoobsoorat gulabi hont kis ko pasand nahi hotay. Sayahi maeel hont apkay chehray ki khoobsoorti ko maand ker daitay hain. Isi liye khawateen khoosorat hontoon ki khawahish mund nazer aati hain. Iss tehreer ka madsaq bhi yehi hai k hum ap k sath aisi tamam beauty tips share ker sakain jo apko gulabi hoont panay k liye madad gar sabit hoon.

Beauty Tips for Pink Lips:

• Gulabi hont panay k liye kachay narial(coconut) ko peess lain aur hontoon per lagain.
• Balaai mein leemoon ka rus mila ker hoontoon per lagain.
• Doodh mein zafraan ko pees ker ozana lagain.
• Grape fruit k juice mein daar cheeni pees ker peenay say hont gulabi ho jatay hain.
• Chukunder ka tukra kaat ker hontoon per ragernay say bhi hont gulabi ho jatay hain.
• Badaam ka tail aur leemoon ka rus mix ker k hontoon per lagana bhi mufeed hai.
• Tamater aur kheeray kay qatlay bhi hoontoon per ragernay say hoontoon ki siyahi door hoti hai aur hont gulabi ho jatay hain.
• Saib k beej pees ker raat ko hontoon per lagnay say bhi hoontoon ki kalak door hoti hai aur who gulabi rangat k ho jatay hain.
• Glycerin say hoontoon ka massage kerna bhi mufeed saabit hota hai.
• Hoontoon per desi ghee ka massage kerna bhi musbat nataaij ka haamil hai.
• Zaitoon ka tail lay ker hoontoon per rager lain aur kuch daair k baad saf ker lain. NA sirf apkay hoont naram aur moisturized hoon gay balkay unki rangat gulabi bhi ho jaye gi.
• Gulaaab k phool ki pattiyaan lay ker pees lain aur paste ko hoontoon per lagain. Apkay hont gulabi aur naram ho jain gay.
• Hamesha mayari lipsticks aur lip gloss ka istemaal karain. Gair miyari brands ki lipstick aur lip gloss  apkay hoontoon ki rangat ko kharab kertay hain.
• Haldi powder mein balaai mix ker lain aur iss paste ko hoontoon per lagain. Apkay hont purkashish aur khoobsoorat nazer ain gay.
• Thanda arq e gulab lagana bhi kafi faida mund rehta hai.
• Leemoon ka gooda(pulp) lay ker issko hoontoon per kuch dair k liye laga rehnay dain tou hontoon ki sayahi door ho gi aur who khoosoorat aur gulabi ho jain gay.
• Zaitoon k tail mein thori si cheeni mi ker lain aur iss paste ko honton per lagai aur circular motion mein massage karain. Na sirf apkay hont naram ho jain gay balkay inki bayjaan jild bhi purkashish ho jaye gi.
• Aik gehray bowl mein aik khanay ka chamach rogan e badaam aur aik chamch shakkar daal ker mix ker lain. Ab iss paste ko hontoon per lagain aur thanday paani say dho lain. Iss beauty tip ko haftay mein kum say kum 2 martaba istemaal kernay say khatir khwah fawaid hasil hotay hain.
• Phitkari aur glycerin ko mila ker hoontoon per lagain aur hoontoon ki khoobsorti aur gulabi rangat ko barqaraar rakhain.
• Leemoon ka chilka hontoon per ragernay say hontoon ki sayah rangat door hoti hai aur who gulabi ho jatay hain.

In beauty tips per amal karain aur apnay hontoon ko gubali aur haseen banain.

Benefits of Green Tea for Skin in Urdu- Sabz Chaye Jild Ki Hifazat k Liye

Qudrat nay insaan ko bohut si naimatoon say nawaza hai. Insaan inko shumaar kernay baithay tou shumaar na ker paye. Bohut si naimatoon ka tou insaan ko shaid ilm bhi na ho. Mager joon joon waqt guzer raha hai insaan bohut si cheezain jo hamaray liye qudrat ka anmol tohfa hain ko dhoond chuka hai. Inn he mein say aik naimat hai “sabz chaye” yani “green tea”.

Hazaroon saaloon say insaan sabz chaye (green tea) say na sirf lutf andooz ho raha hai balkay iss kay sath sath la tadaad fawaaid yani benefits se bhi mustafeed hoo raha hai. Shaid hazaroon saal pehlay ka insaan isko aik gharailoo totkay kay taur per istemaal kerta tha mager aaj kay daur mein jadeed sciency tehqeeq say yeh baat sabit ho gai hai keh sabz chaye la tadaad khobiyoon aur fawaid  ki wajha say zamana e qadeem say istemaal ki ja rahi hai aur shaid anay walay waqt mein insaan iss k baray mein mazeed tehqeeq say iski kuch aur khobiyoon ko dhoondnay mein kamyaab ho jaye.

Iss tehreer ka maqsad sabz chaye yani green tea ki bohut si khoobiyon (benefits) mein say chund khas khobiyaan jo khawateen ki jild yani skin k liye intehaai mufeed hain k baray mein apko btana hai.

Sabz Chaye kay fawaid Aur Jild Ki Hifazat:

• Sabz Chaye (green tea) jild (skin) mein jalan(inflamation) ya kharish(rash) paida kernay walay masail (problems) k liye nihiyat mufeed hai.
• Sabz chaye k pattay, halki kharaash, kharish, daag aur dhabboon ko door kernay k liye bhi bay hadd faida mund sabit hoye hain.
• Apko aur apki jild ko dair paa khoobsurati aur jawan nazer anay mein apki madad kerti hai.
• Unn tamaam anasir ko jo k apko borhapay ki taraf lay jatay hain, ko kum kernay mein intehaai faida mund hai.
• Chehray pe daanay(pimples), keel muhasay(acne) kum kernay mein bay hadd madad gaar sabit hoti hai
• Soraj ki roshni say paida honay walay masail k liye bhi karamad sabit hoti hai
• Jild k sartaan(cancer) say bachao k liye leemoon (lemon) ka russ mila k sabz chaye(green tea) istemaal ki jati hai. Jo k nihaayat mufeed bhi samjhi jati hai.  
• Sabz chaye, unn logo k liye bhi bay hadd mufeed hai jin ko khushki(dandruff) ki shikayat ho. Khushki(dandruff) chahay baloon(hair) mein ho ya jild per, sabz chaye kay istemaal say kaafi hadd tuk iss maslay per qaboo paya ja sakta hai.  
• Garmiyoon kay mausam mein, ager sab chaye ki pattiyoon(leaves) ko kuch dair paani mein bhigo(dip) k rakh dain aur baad mein paani ko fridge mein rakh diya jaye tou jub bhi aap dhoop ya garmi say ghar ain iss paani ko apnay chehray per roi(cotton) ki madad say laganay say ya chiraknay(spray) say apki jild taro taza ho jati hai. Iss k ilawa aankoon(eyes) ko thandak pohanchanay k liye bhi yeh nihayat karamad nuskha(remedy) hai.
• Chehray k ronaq bahaal kernay k liye aur jild ko narm o mulaim kernay k liye, 3 tbspoon mayonnaise mein 1 tsp sabz chaye mila ker mask tayyar ker lain aur 15 say 20 minute tuk chehray per laga rehnay dain. Phir paani say dho lain aur koi bhi acha moisturizer lagain ager apko chehra khushk mehsoos ho.

Bohut say log jo k bohut si creams aur dawaain(medicines) aur totkay istemaal kernay k bawajood matlooba nataij hasil nahi ker patay, ab woh qudrat ajza k istemaal ki taraf maayel ho rahay hai. Sabz chaye yani green tea bhi unn mein say aik hai Ager ap iss kay istemaal aur iskay qudrati fawaid(benefits) say na waqif thi tou yeh tehreer yaqeenan apkay liye bay hadd karamad hai. Aaj he sabz chaye ko apni zindagi ka hissa bnaian aur iss k laa tadaad fawaid say mustafeed hoon Bohut si khawateen apni jild ki hifazat k liye iss qudrati tohfay ko isstemaal ker k faida hasil ker chuki hain ap bhi unn mein shamil honay k liye aaj he sabz chaye ka istemaal shuru karain aur taro taza nazer ain.

Hair Fall Solutions and Tips in Urdu / Hindi

Khoobsoorat aur haseen baal her aik ho achay lagtay hain. Lambay baal aurtoon kay liye khobsoorti ki alamat samjhay jatay hain. Mager jub kisi bemaari ki wajha say ya baaloon ki daikh bhaal na kernay ki wajha say aap kay baal girna shuru ho jain tou yaqeenan yeh aik tashweesh naak baat hai. Apko foran iska hal talash kerna chahiye. Qadeem zamanay say hee khawateen baaloon ko haseen aur ghanay bnanay kay liye mukhtalif totkay aur beauty tips ka istemaal kerti aa rahi hain. Aaj kay jadeed daur mein chahay kitnay hee shampoo. Lotions, conditioners aur doosri masnooaat dastyaab honay kay bawajood bohut si khawateen aaj bhi qudrati ajza kay istemaal ko behtareen hal(solution) samajhti hain. Iss chotay say article ka maqsad bhi yehi hai k aapkay sath aisay totaky aur tips share ki jaain jin ko isstemaal ker kay aap baaloon ko girnay say rok sakti hain aur inko haseen aur ghana bna sakti hain. Zail mein kuch hair fall totay aur tips darj kiye ja rahay hain umeed hai apko na sirf pasand ain gay balkay ap in ka istemaal ker kay faida bhi uthaain gi.

Hair Fall Tips:

• Sabat dhaniya, meethi kay beej, soonf aur khopra munasib miqdar main lay kar pees lain. Phir isay sarson kay tail main mila kar halki anch par pakain. Phir thanda kar kay chaan lain. Iss say sir ka massage krain. Musalsal istemaal say baal girna kum ho jain gay.
• Khurdray aur bay roonak baal bhi hussn main kami ka bais bantay hain. Es liay baaloon ki chamak aur mazbooti kay liay meethi kay patay, dahi aur anday ka amazay bohat mufeed hai. Yeh baal girna kum kernay mein madad gaar sabit hota hai.
• Sir per achi terha leemoon lagain aur 15 minute k baad sabon ya shampoo say dho lain. Achi terha khushk honay per kalonji ka tail bhi lagain. Kuch arsay mein baal girna bund ho jain gay. Iss kay ilawa zaitoon ka tail bhi faida mund hai.
• Narial ya sarsoon kay tail mein leemoon mila ker raat ko laga ker so jain aur subah uth ker dho lain. Baal girna bund ho jain gay.
• Jin logoon kay baal ziada girtay hoon unko chahiye kay woh aik chamach zaitoon ka tail, aik chamach shehed, aik chaye kay chamach pisi hoi daar cheeni ko mix ker kay baaloon mein lagain. Baal girna bund ho jain gay. Kuch he arsay mein wazay ferq mehsoos ho ga aur baal ghanay aur chamak daar bhi ho jain gay.
• Bimari, kamzori, zahni dabaao aur parayshani aurtoon aur mardoon main yaqsan taur per ganjay pan ka bais bantay hain. Sardion main baal girnay ka amal teezi say barh jata hai. Iss liay sardiyon mein baalloon ko intehai nighadasht ki zaroorat hoti hai. Baaloon main kangha karty huay zara narmi say kam lain. Kisi bhi mausam mein khwaah woh sardi ho ya garmi baalloon ko ziada garam pani say dhoonay say parheez karain. Geelay baalooon mein kangha matt karain. Baalooon ki afzaish kay liay zarori hay keh munasib ghizai ajza ka istemal kia jaye. Munasib khorak baaloon ko mukhtalif masail khaas taur per baal girnay say bachati hay.
• Baisan aur leemoon kay russ ko mila ker laganay say bhi baal jherna bund ho jatay hain.

Qudrati ajza ager sahi miqdaar mein istemaal kiye jain tou faida mund sabit hotay hain. Baalooon ka girna yani hair fall apki shakhsiyat per aser andaaz hota hai aur pareshaani ka bais bunta hai. In tips aur totkoon per amal ker kay aap behter nataaij hasil ker saktay hain.

Khushk Balon Ki Hifazat Kaise Ki Jay

Balon ke khsushk hony ke beroni wajuhat ka elaj karna buhat asan hai. Apko sirf apny balon ko thori see tawaju deny ki zaroorat hai. Aur jin beroni wajuhat ki wajah se ap ke bal khushki ka shekar hain, aghar ap inko theak kar lyn tau ap ke bal bhe theak ho jae gay. Jesy dhop main nikalny se pahly sar ko dhanp lyn. Lakin balo ke khsuh hony ki chand androni wajuhat bhe ho skati hain, jo ke theak hony mian thora zeyada time leti hain.

• Dawaeo ka istemal
• Cancer ka elaj
• Zeyada arse tak chalny walibemari
• Jism main gheza ke ajza ki kami

Hum apko chand beauty tips batany ja rahy hain jin ko apna kar ap khushk balon se nejat hasil kar sakty hain.

Shampoo main ehteyat:

Balo ko buhat zeyada shampoo karna in ke khushk hony ki wajuhaat main se sub se aham wajah hai. Buhat se logo ka manna hai ke balo ko zeyada shampoo karny se wo saaf ho jaty hain aur wo balo ko rozana ak se zeyada martaba dhoty hain, lakin inka  yeh nazaria ghalt  hai. Keun ke shampoo main buhat zeyada chemicals hoty hain jo ke bar bar istemal karny se balo main majood qudarti oil ko khatam kar dety hain. Jo ke balo ko moisturize karny main aham kerdar ada karty hain. Is lye ap balo ko din main ak martaba dhoe is se ap ke bal saaf be rahy gay aur rokha pan bhi nahi ay ga balky kahin  maaheerin ke mutabiq her dosry din bal shampoo karny chahye.

Conditioner ka istemal:

Khushk balo ko conditioner ki buhat zeyada zaroorat hoti hai is lye asy conditioner ka istemal kary jis main alcohal na ho ya buhat kam meqdar main hon. Kam khushbu ke hamil conditioner main alcohal kam meqdar main hota hai. Ya pher bilkul nahi hota is lye kam khushbu wala conditioner istemal kary aghar ap ke bal zeyada khushk hon tau conditioner  rat  ke time balo main  lagae.

Hot oil ka istemal:

Hair care professionals khuashk balo ke lye hot oil ke istemal ka mashwara dety hain. Hot oil products apko asani se bazaar main mil jae ge. In ko garam kar ke 20 se 25 minutes tak balo main lagae ya pher de howe hadait ke mutabiq istemal kary aur pher ak achy shampoo se dho lyn.

Brush ka kam istemal:

Balo main buhat zeyada brush istemal karny se balo ko buhat nuqsan ho sakta hai. Aur iski wajah se bal girna shoro ho jaty hain. Hamesha balo ko aram se brush kary aur gely balo main her gez brush na kary balky is ke lye gangi ka istemal zeyada behtar hai.

Balo se ehteyat se pesh ayn:

Khushk hony ki wajah se bal buhat zeyada kamzoor ho ke totna shoro ho jaty hain. Is lye balo ke sat ehteyat se pesh ayn brush bhe ehteyat se kary. Sar ki jild per nakhunu se her gez kharish na kary balky is ke lye ungleo ke phuro ka istemal kary. Is tarah ap ke sar main khun ki gardish bhar jae ge jo oil glands ko banany main madadgar sabit hota hai.

Desi Totkay for Open Face Pores in Urdu / Hindi

Chahray ki jild kay khulay howay massam (open face pores) ko bund karnay kay desi nuskhay.

Charay ki jild bhut hassas hoti hai or hamaray chahray ki khobsorti or haifazat kay lilyay zaroroi hai kay ham apnay chahray ka khas khayal rakhai. Iss ko dhop ki tamazaz say bachain or is baat ka khayal rakhay kay bahar janay say phalay or wapis anay kay baad mou saaf pani say aik dafa dho kar us par kioe bhi achi cream zaror lugai.

Baaz awqat bazahar batai janay walay herbal facials or polishers bhi jild kay liyay nuqsan deh hotay hai kio kay un mey bhi chemical shamil hotay hai. Jo aam tour par batai nahi jatay or agar in procedures karwanay kay baad jild ka khayal na rakha jai tou hamari jild ki oper wali satah kay massam khul jatay hai .

Jab  bhi koi facial yeh skin polisher karwaya jata hai tou is baat ka khas khayal rakhna chahiyay kay  who tareeqa hamari jild kay liyay khatarnak na ho. Agar nuqsan puhunchanay ka dar ho tou phir who procedure nahi karwana chaiyay.

Khobsorti ko barhanay kay liyay mukhtalif tareeqay say beauty parlor waly logo ko dawat daytay hai mugar jab tek app un say tafsil say na pochay who sahi baat nahi batay. Agar koi un say sawal nahi karta tou who us ko facial yeh polisher yeh dosray or procedure day kar farig kar daytay hai or gher aakar us ko malom hota hai kay us kay chara jaga jaga say laal ho raha hai or jild par irritation horahi hai.

Jild kay khulay howay massam buhut bari prayshani ka bais bun saktay hai. Agar hum barwaqt in par tawajo na day tou pimples or dossri problems shuro ho janay ka khatra hota hai.

Jab bhi koi skin procedure karwaya jai tou koshish karni chahiyay kay us ko karqanay kay liyay buhut hi mahir beauticians kay pass jai. Who is baat ka khayal rukhti hai kay skin treatment kay baad jild kay khulay howay massam ko bund karna kitna zarori hai or who is baat par tawajo day gi.

Aik tareeqa khulay howay massam ko bund karnay ka yeh hai kay un par baraf rukhi jai. Baraf ko bareek saaf kapray  mey lapait kar  chahray par rukhay .

Chahray par multani mitti ka mask laganay say bhi khulay howay massam bund karnay mey mudad milti hai.

Tamatar kay rus ko chahray par laganay say bhi khulay howay massam bund hotay hai. 5 chamchay tamatar ka rus , adha spoon honey or chand qatray lemo ka rus mila kar chahray par lagai or 10 say 15 munites kay liyay chor day. Phir saaf pani say dho lay.

Baqaidigi say chahray ko scrub karnay say massam khulnay ka amal kum hota hai, or khulay massam bund hotay hai. Haftay may 2 say 3 dafa scrub zaror karna chahiyay.

In tareeqo par amal karkay chahray kay khulay howay massam yani open face pores  bund hosaktay hai or in say bacha bhi ja sakta hai.

Beauty Tips for Acne and Pimples in Urdu / Hindi

Khoobsoort chehry ko bigarny mein pimples or acne ka ehm krdar hy. Hr dosre lrki is jhunjt mein mubtala hy. Akhr kya kiya jyey? Dermatologists ko skin dikha dikha ky thuk gyey mgr koi ilaj nhi. Ary kion preshan hoti hein ap hm hein na. Ji han pimples or acne sy nijat mumkin hy agr hmary chnd nuskhon py aml kr lya jye to.

Beauty Tips for Acne and Pimples:

• Arq e gulab ko kisi bottle mein daal kr rozana chehry pr subha sham spray krny sy pimples sy chutkra paya ja skta hy
• Sbzion ka juice hr khany sy pehly peeny sy chehra pimples free ho jata hy
• Neem soup peeny sy bhi pimples sy chutkarapaya ja skta hy
• Tamatr ka juice 30 minute ky lyey chehry pr lgein or khushk hony pr dho lein.pimples khtm ho jyey gi
• Taza meethi ka paste chehry pr achi trha lgein. Khushk hony py neem grm pani sy dho lein
• Chehry pr brf(ice) lgany sy bhi pimples door ho jati hy
• 3 khany ky chmch honey yani shahd mein 1 chmch daar cheeni powder mila kr pimples pr lgein. Dry hony py dho lein
• Taaza lemo juice ko ik pyalee ubly doodh mein mix kr ky acne pr lgein. Chehra pimples free ho jaya ga
• Pani ky ziada istamal sy jild ki bemarion or deegar maidy ki bemarion pr ba asani kabu paya ja skta hy
• Kisi ka tolya yani towel na istamal kya jayey, roz nahya jayey or jism or kapron ko saaf rkha jyey. In choti choti ehtiate tda beer ko istamal kr ky acne jesy msly sy chutkara paya ja skta hy
• Thundy mosam mein bahir nikalny mein ehtiat bratni chayey or agr nikalna zaroori ho to jism dhanp kr niklein
• Podeeny ky juice yani mint juice ko rozana sonay sy pehly roee ki mded sy chehry pr lgein. Acne khtm ho jyey gi or chehra shadap ho jyey ga
• Neem ky paton ka paste rozana chehry py lgany sy acne khtm ho jatee hy
• Sandal ky powder mein arq e gulab mila kr mask bna lein or chehry pr lgein. Chehra acne sy paak ho jayey ga. Koshish krein ky sandal ky sabun yani sandal soap sy moonh saaf krein
• Arq e gulab ko kisi bottle mein daal kr rozana chehry pr subha sham spray krny sy acne sy chutkra paya ja skta hy
• Sbzion ka juice hr khany sy pehly peeny sy chehra acne free ho jata hy
• Neem soup peeny sy bhi acne sy chutkarapaya ja skta hy
• Tamatr ka juice 30 minute ky lyey chehry pr lgein or khushk hony pr dho lein. Acne khtm ho jyey gi
• Taza meethi ka paste chehry pr achi trha lgein. Khushk hony py neem grm pani sy dho lein
• Chehry pr brf(ice) lgany sy bhi acne door ho jati hy
• 3 khany ky chmch honey yani shahd mein 1 chmch daar cheeni powder mila kr acne pr lgein. Dry hony py dho lein
• Agr chayey (tea) coffee or cigarette ko apni ghiza sy nikal dein to pimples ka msla khtm ho skta hy
• Pani ky ziada istamal sy jild ki bemarion or deegar maidy ki bemarion pr ba asani kabu paya ja skta hy

Quick Beauty Tips in Urdu

Aaj kal k masroof daur mein hum sub he bay had masroof hain. Kisi kay pass itn time nahi hota k woh ghantoon aik he kaam per laga day. Zindagi itni madroof ho chuki hai k insan k liye waqt nikalna na mumkin si baat hoti ja rahi hai.

Kisi takreeb mein jana ho, dawat ka mauqa ho ya office janay k liye khawateen ko akser o baishter aik he masla dochaar hota hai k who bohut time lagati hain. Ghantoon ki tayyari say na sirf woh ghar waloon ko pareshaan kerti hain balkay khud bhi masaail ka shikaar hoti hain. Aaj aisi he khawateen k liye hum the tehreer lay k aiye hain taa kay unki kuch madad ho sakay aur woh in beauty tips pea mal ker k na sirf apna waqt bacha sakain balkay kisi bhi qisam ki pareshaani say bhi bach sakain. Zail mein aisi he karamad aur mufeed beauty tips darj ki jati hain jo apko waqt bachany mein madad karain gi.

Quick Beauty Tips:

• Eyelashes ko curl kerna ho tou eyelash curler ko 2 ya 3 second k liye hair dryer say garam ker lain. Istemaal say pehlay daikh lain k curler ziada garam na ho jaye. Iss terha ap ki eyelashes achi terha curl ho jain gi aur waqt bhi bachay ga.
• Foundation cream mein koi bhi moisturizer mila ker laganay say jild khushk nazer nahi aati aur foundation achay tareeqay say chehray aur gardan per phial jati hai.
• Apnay baaloon ko rozana dhonay say guraiz karain. Garmi ho ya sardi. Baar baar shampoo ka istemaal nuqsaan deh sabit hota hai.
• Ager aap khoobsorat aur naram o mulaim jild ki khawahish mund hain tou paani ka istemaal ziada karain.
• Ager sard mausam mein apko phatay(chapped) hontoon ki shikayat rehti hai tou aap daant brush kertay waqt brush ko hoontoon per rager liya karain. Raat ko sonay say pehlay zaitoon ka tail laganay say bhi khasi madad milti hai.
• Ager apkay nakhun peelay hain tou nakhun saaf kernay wala brush lay ker whitening toothpaste say rager lain aur saaf ker lain.
• Akser khawateen iss baat ki shikayat kerti nazer aati hain k unka makeup bohut jaldi kharaab ho jata hai. Aisi khaawateen ko chahiye k makeup kernay say pehlay jild ko moisturize karain aur primer lagain aur phir makeup karain tou unka makeup kuch ghantoon tuk bilkul theek rahay ga.
• Lipgloss hamesha apnay pass rakhain. Peachy pink shades bohut bhalay lagtay hain aur apko fresh dikhai dainay mein madad kertay hain.
• Baaloon ko pony tail style mein baandh lain takay hair style bnanay mein waqt bachay. Khulay baaloon mein akser khawateen comfortable mehsoos nahi kerti.
• Eye makeup k liye bhi neutral shades ka intekhaab behter rehta hai. Bright aur chamakdaar shades ka intekhaab akser apki pori look ko kharaab ker daita hai. Formal functions aur shadi bayaah ki taqreebat mein dark makeup kerna munasin lagta hai. Offica janay ho ya bahar outing, shopping wagaira ka liye janay k liye light shades bhalay lagtay hain.

Inn quick beauty tips pe amal karain aur haseen nazer ain.

pakistani party wear

Totkay for Nails (Nakhun) in Urdu/ Hindi – Nail Care Tips

Seht mand nakhun ya nails seht mand jism ki ilamt hein. Hathon ki khobsoorti mein nakhun ya nails  bohat aham kirdar ada krty hein. Shadi ya is jesy kisi or function ky lyey lrkian maheena pehlly hi nails brhana shru kr deti hein. Taky hath khoobsoort lgein or is pey nail polish or mehndi chaar chand lga dy.  Trha trha ky totkay istimal kyey jaty hein. Lakin kya krein kuch lrkion ki hzar koshish ky bawajood bhi nail (nakhun) barhty hi nhi or agr lmby ho bhi jein tb bhi kuch dino mein tootny lgty hein. Mjbooran nkli nails lgany perty hein taky function mein hath to achy lgein. Chlein aj hum apki is silsly mein kuch mded krein.

Totkay for Nails/ Nakhun:

• Lehsn ka istimaal nakhuno ky lyey both mufeed hy. Agr lehsn ky ark mein nakhun bhigo lyey jein to nakhun chmkdaar or mzboot ho jein gy. Lehsn ky jaway ko direct bhi nail py rgrny sy nail mzboot ho jein gy
• Sbzion ka khorak mein ziada istimal khaas tor py iron wali sbzian jesy paalk nails ky lyey both acha hy
• Olive oil nails py lgany sy chmk brhtee hy or nails mzboot hoty hein
• Nails ko danton sy katny sy nails kmzor ho jaty hein koshish krein ky nail cutter sy katy jein
• Doodh ka ghiza mein ziada istimal nails ko mzboot bnata hy
• Anda or calcium wala food yani ghiza nails ko mzboot bnati hy
• Hathon ki sfaee bakiadegee sy krny sy nails chmkdaar ho jaty hein
• Shehd ko agr nakhuno pr lgya jyey to inko tootny sy bcha skta hy
• Mehndi ka nakhuno pr istimaal isko tootny sy bchata hy or mzboot or chmkdaar bnata hy
• Nail polish lgany sy pehly achi traha nakhun khushk kr lein wrna fungus lgny ka khtra hy
• Dead skin ko achi trha saaf kya jyey is sy bhi nakhuno ki afziash achi ho jati hy
• Nail brush sy nakhuno ko saaf kiya jyey. Pani mein koi sa mild shampoo or nmk yani salt daal kr brush ki mded sy nukhno ko achi trha saaf krein
• Badam ky tel mein nakhuno ko achi trha dip kr ky 5 minute ky lyey chor dein. Is sy nakhun mzboot or chmkdaar ho jein gy. Or tootein gy bhi nhi
• Kpry dhony ky baad hathon or nails py koi bhi oil ya cream zroor lgein
• Nakhuno ko katety waqt unki lmbaee ka zroor khyal rkhein. Yeh na ho ky both chty kt jein or unky brhny ka apko poora maheena intezaar krna pry. Ziada kty nakhun drd ka bhi bias bnty hein
• Ziada pani pya jayey is sy nails healthy or chmkdaar ho jaty hein or hydrated bhi rehty hein
• Nail polish ka be ja istimaal na kya jyey is sy nails mein oxygen ki kmi ho jati hy
• Jb nakhun geelay hon tb kata jayey is sy yeh km sy km damage hon gy
• Nakhuno ki achi trha saaf kya jyey
• Acha moisturizer lgya jyey taky nails hydrated rhaein.
• Masalaydar yani spices foods nakhnon aur balon k liye achi nahin hoteen.
• Khorak main machli aur gosht ka istemal nails k liye important hai.

Desi Totkay for Ear (Kan) In Urdu / Hindi

Kaan Khuda ki degr nematon ki trha both bree nemt hein. Zindgi ka mza khtm ho jata hy agr kaan mein dkarard ho jyey. Or kmbkht yeh dard uthta bhi raat ky kisi pehr hy na sya jye na hi jaga. Krwtein bdl bdl raat guzr jati hy. Kaan behna, kaan pkna kaan ka prda phut jana or kano mein infection hona aam takaleef hein. In sy kesy chuttkara payajayey ayey deikhty hein

Totkay for Ear:

• Piaz, adrk or zaitoon ky pty. Kan ky drd mein nehiat mufeed hein. In mein sy kuch khay ya pyey jaty hein or kuch ky ktry kaan mein daaly jaty hein
• Lehsn ky 2 sy 3 jway yani garlic cloves ly lein. Inko mustard oil mein itna fry krein ky kaly ho jein. Isko chulni sy chaan kr thunda kr lein. Thunda hony pr 2 ya 3 ktry dukhty kaan mein dalein drd theek ho jye ga
• Adrk ko chota chota kaat lein or zaitoon ka teil daal kr air tight jaar mein daalein. Is jaar ko 10 din teiz dhoop mein rkhein. Is teil ky ktry kaan mein dalny sy berson purana drd bhi theek ho jye ga
• Lehsn ky jwon ko pees lein or il mulml ky kpry mein dalein thora sa nmk bhi shamil kr ky yeh kpra dukhty kaan ky ooper rkein. Drd theek ho jye ga
• Kaan mein machis ki teli, cotton stick and hair pin mt dalein. In sy drd zor pkrta hy
• Srde ky mosam mein, nahty ya swimming krty waqt kano ko dhanp kr rkhein. Drd nhi ho ga
• Naak saf krty huey zor sy mt blow krein,is sy kaan mein drd ho skta hy
• Oonchi awaz mein music nhi sunana chahyey kaan ky prdy phut skty hein
• Adrk ka juice peeny sy kan ky drd sy cutkara paya ja skta hy.
• Shahd yani honey ky andr Adrk daal kr chatein. Kaan drd theek hota hy
• Hydrogen kaan mein dalny sy tmam gnd bahr nikl ata hy or drd bhi theek hota hy.
• Nahaty waqt apny kano ko zroor saaf krein wrna row ko geela kr ky kaan ky berooni hisy ko saaf krna chahyey. Kaan ki sfaee kan ky drd sy nijaat dila sktee hy
• Zaitoon ky paton ka ark peeny ya kaan mein dalny sy kaan ka drd theek ho jata hy
• Mullein name herb kaan ky drd mein nihiat mufeed hy. Isky rozana istimal sy kaan ka drd hamesha ky lyey khtm ho jata hy
• Lehsn ka teil kan mein dalny sy kan ka drd theek ho jyey ga
• Jahaz  ky sfr ky doran agr kan drd ya bnd ho jein to chewing gum chubani shru kr dein. Kan khul jein gy, drd khtm ho jye ga
• Kisi warm plate ko tolye yani towel mein lpait kr dukhty kaan ky neechy rkhein. Drd theek ho jyey ga. Plate warm hone chahyey hot nhi ky kaan jla dy or leny ky deny per jein.
• Agar kisi dhaat jaise k nickle waghaira se allergy ho tu uski balian na phenain.
• Bohat ziada unchaa music bhi kanon k liye nuqsan deh hai. Iss liye ziada der tak unchaa music na sunain. Unchay loud-speakers k kaqreeb kharay na hon. Achay quality k headphones ka istemal karen.

Weight Gain Tips – Wazan or Sehat ko Barhaney k Desi Totkay in Urdu / Hindi

Ye duniyan aik both he ajeeb jga hai. Yahan pr kuch log aisey hein jo k apna ad, yaw azan km krna chahtey hein jb k kuch or logon k liye sb se bara masla ye hai k wo apna wazan brhaen kese. Aik haqeeat hai ye bat k insane mutanasib he acha lgta hai. Na wazan zyada hona khobi hai or na he both km hona. Ye bat khas kr larkiyon k liye pareshani ka bais bnti hai. Baaz lrkiyan apni khaney ki ghalat adat ya bagher warzish k waqt guzarney ki wja se moti ho jati hein. Baaz larkiyan bilkul nh khaten or both he dubli patli or kmzor se ho jati hein. Ye dono he sorat e haal un k liye pareshani ka bais bn jati hein. Wese wazan ka km hona baaz dafa larkon k liye bhi diqqat ka bais bnta hai. Larkey aj kal jism bnaney yani body building ki taraf both matawajo hotey hein. Wazan km honey ki soorat mein un k liye apna ye khwab porak rna both mushkil ho jata hai. Is trha k mslon ko hul krney k liye wazan brhaney or sehat ko behter krney k kuch nuskhey ap k liye pesh kiy ja rhe hein.

 Weight Gain Totkay:

1. Mutawazin ghiza khana
2. Agar apko wazan km honey ki shikayat hai to lazmun apki khorak thek nh hai. Ho skta hai ap ne apni khorak mein pasand, nasmjhi yaw azan km krney k khabt mein wo sb chezen nikal de hon jo k apki sehat ka bais bnti hein. Ap k jism ko rozana fats, sugar, carbohydrates, proteins, vitamins and salts ki zrurt hoti hai. Agar in mein se koi aik bhi cheez theek se ap k jism ko nh miley ge, apka wazan km he rhe ga. Sb se behter tariqa ye hoga k ap apna rozana ka khorak ka chart bna lijiey. Agar roz ka hisab rkhna mushkil lgey to porey haftey ka bna lijiey. Haftey mein 2 roz Sbzi khaen. 2 roz daal khaen. 2 roz chicken or machli khaen or aik din red meat khaen. Apni ghiza k sath sath khud ko sehat ki taraf raghib krney k liye rozana warzish bhi kren. Ye both he ehm hai.

1. Warzish krna

Warzish apko sehatmand rkhney mein both madad deti hai. Agar ap chahtey hein k apki sehat thek rhe or ap jo khaen wo apko sehatmand to krey magar ap bilawja motey na honey paen, ye both behter hai k ap warzish kren. Warzish krney se na sirf apk jism mein khoon ka doraniya acha rehta hai balkey ap zehnitor pr chaq o choband bhi rehtey hein. Warzish or mutawazin ghiza mil kr he apki sehat ko behter kr sktey hein. Is trha krney se na sirf ap apna wazan brha paen gai balkey ye bhi khyal rhe ga k wazan ya motapa zrurt se zyada na honey pae. Ap apne apko zyada fit ya chak o choband mehsus kren gai.

Totkay for Teeth Whitening – Totkey for Safaid Daant in Urdu / Hindi

Kiya aap aik khoobsoorat muskurahat k maalik bnnana chahtay hain? Ya apni haseen muskurahat ko barqaraar rakhna chahtay hain tou apko apnay daantoon ki hifazat kerna paray gi. Aisay bohut say totkay aur beauty tips hain jo k akser log baqaidgi say isstemaal kertay hain aur faida hasil kertay hain.

Na sirf dantoon ki hifazat zaroori hai balkay daantoon ki safai ka bhi bayhadd khayaal rakhna nihayat ahem baat hai. Iss per khasoosi tawajah daina zaroori hota hai.

Zail mein aisay he kuch mufeed totkay aur beauty tips aap kay sath share ki jati hain jo k na sirf apkay daantoon ki hifazat k liye ahem hain balkay apkay daantoon ki khoobsoorti mein izafay ka bais bhi hain.

Beauty Tips for Teeth:

• Daantoon ko sufaid aur chamakdaar bnanay k liye khanay ka soda aur namak mila ker brush karain.
• Ager apkay daantoon say khoon aa raha ho tou shehed(honey) aur zaitoon ka tail mila ker daantoon per laganay say khoon ana bund ho jata hai.
• Ager cigarette noshi ki wajha say apkay daant peelay ho gaye hain tou daantoon per soda bicarbonate malain aur saaf karain.
• Daantoon per leemoon ka chilka ragernay say chaye, cigarette, paan k daag chalay jatay hain.
• Daant chamakdaar bnanay k liye koilay ki rakh ya roti ko jala ker rakh hasil ker k saf karain tou daant chamak jatay hain.
• Daant brush kernay say pehlay tooth paste per khanay ka soda aur leemoon k rus k chund qatray daal ker daant saf kernay say dantoon ka peela pan door ho jata hai.
• Sarsoon (mustard) ka tail lain aur iss mein aik chaye ka chamach namak mila ker daantoon ki safai karain tou daant saf aur chamakdaar ho jatay hain.
• Leemoon k chilkay sukha ker pees lain aur iss mein namak shamil ker lain. Rozana jub aap daant saf karain tou inn ka istemaal karain. Daant motion ki terha chamakdaar ho jain gay.
• Raat ko sonay say pehlay aur subah naashtay k baad daant zaroor saaf karain. Iss terha khorak k zarrarat moonh mein nahi rehtay jo k bacteria ki afzaih ka bais hotay hain. Layhaza daantoon ki safai ka khaas khayaal rakhain.
• Meethay mashroobaat ka istemaal kum ker dain, iss ka faida yeh ho ga k meethay ki wajha say daantoon ki ooperi the kharab honay say bach jaiye gi.
• Daantoon per strawberries ka gooda ragernay say bhi daant sufaid aur chamak daar hotay hain. Strawberries ka gooda ragernay k baad daant brush ker lain taakay mithaas aur strawberry k zarrat moonh mein na reh jain.
• Sabziyan aur fruits jaisa k gaajar, saib, shaljum wagaira ka istemaal kerna bhi nihayat mufeed hai. Kiyun k inn sabjiyoon aur fruits ko khanay k liye chabana perta hai layhaaza is wajha say daantoon per jumnay wala plaque paida nahi hota aur daant peelay aur bayrung nahi ho jatay.
• Hamesha kuch bhi khanay k baad daant brush ker lain yak um say kum achi terha kulli ker lain taa kay khoorak k zarray moonh mein na reh jain.

In tamaam  tips per amal ker k aap apnay daantoon ko saf shaffaf aur haseen bna saktay hain aur unki dair paa hifazat aur sehat mundi ka bhi bais bun saktay hain.

Breasts Size Reduction- Breasts Chotey Karne Ke Desi Totkay

Naswani husn ya khobsurati mein jo ehm role breasts ka hai usko koi bhi insane ignore nh kr skta. Her aurat ki ye khwahish hoti hai k wo khobsurat lgey. Aurat k khubsurati mard ki khubsurati se boht mukhtalif hoti hai. Mard k jazib-e- nazr honey ki wajuhat or aurat k khubsurat honey ki wajuhat aksar boht farq hoti hen. Aurat ki khubsurati naswani tarz ki hoti hai or is mein aurat k breasts ka size boht ehm role rkhta hai. Agar ye size boht chota ho to khubsurati mein kmi mehsus hoti hai.  Zyadti hr cheez ki he buri hoti hai. Yahi bat naswani husan k mamley mein bhi darust sabit hoti hai. Agar ksi k pas is husn ki kmi ho, tb bhi boht msley hotey hein or agar boht zyadti ho tb bhi ye chez apko khubsurat lgney nh deti balkey baz larkiyon k liye to sharmindagi ka bais bnti hai. Boht se larkiyan is bat se ghabra kr dosrey mulkon ki bni hoi mehngi creams khareedti hein or apna waqt or paisa dono brbad krti hein. Agar apko naswani husn mein kmi ya zyadti ki shikayat hai to ye desi totkey ap k liye zyada behter sabit hon gai.

Khorak mein sabzi ka zyada istimal

Sb se ehm bat jo is silsiley mein larkiyon ko zrur pta honi chahye wo ye hai k jb tk apka wazan brhna bnd nh hoga, ap is diqqat ko dur nh kr paen ge. Agar ap chahti hein k apka jism jazib e nazr ho to apni khorak mein tabdeeli laen. Jo larkiyon gosht ka istimal boht zyada krti hein khas kr barey gosht ka, unko agar ye diqqat ho jae to unko mushkil se he km kr pati hein. Sb se pehley apni khorak thek kijey. Zyada chiknai khaney se parhaiz kren. Boht se log breasts size reduction k liye operations ka goliyan khaney ki bhi try krtey heib. Ye tariqey boht zyada kam k nh. Agar ap desi tariqey se breast size reduction chahti hein to sb se pehley apni khorak se goasht ka boht zyada istimal km kr dein. Waqt k sath sath apko asar nzr ae ga.

Warzish bhi apk liye aik totka hai

Boht se bachiyan jo ghar pr rehti hein unko aksar is bat ka moqa nh milta k wo koi warzish waghera kr sken. Is wja se unka wazan brh jata hai or wazan brhney se un k breasts bhi heavy ho jatey hein jo k unki khobsurati ko khrab kr deta hai. Warzish ko apni adat bnaen. Agar ap zyada waqt k liye ghar se nh nikal skten to bhi boht se aisi warzishen hein jo ap apne ghar k ander apne kmrey mein he krskten hein. Jitna apka wazan km hoga utna he asar apk breast size reduction pr bhi hoga.

Aik or bat jo zehn mein rkhni chahye wo ye hai k agar ap koi aisi chez zyada khati hein jin se breasts size mein izafa hota hai, to wo khana bnd kr diijey.

Breast Growth Tips in Urdu / Hindi

Chati ya breast ki nasho numa or growth ky ly mutadid tareeky istimal kyey jaty hein. Munasib breast size niswani khobsorti ka sbab bnta hy. Lakin agr breast size chota ho ya na hony ky brabr ho to khawateen nehayat bura or khud ko kmtr smjhny lgtee hein. Chati ki growth ky hawaly sy hmary muashry mein kisi doctor sy bat krny mein bhi lrkian shrm mehsoos krti hein. Aj apky is msly ko mad e nazr rakh kar kuch mashwary aur tips apky lyey:

Breast Growth Tips:

• Chalia chubany sy breast size brhta hy. Koshish krein ky ziaky ky bgheir chalya khaee jye
• Imli breast size brhany mein ahm krdar ada krti hy.
• Massaging breat growth ky lyey bht ahm hy. Kisi bhi oil sy rozana massage krein breast bry ho jein gy
• Marshmellow roots ko agr nchor kr toel mein dal kr breast py press krein to is ka size brhta hy.
• Exercise is trha ki jyey ky apny dono  bazoo ko clock wise or anti clock wise ghumaya jyey to breast size brh jye ga
• Ik or treeka jo breast size brhany ky lyey istimal ho skta hy wo khuch yun hy ky deewar sy 5 inch ky fasly py khry ho kr dono bazoon ko dewar py rkh kr zor sy press krein breast size brh jye ga
• Gajr ka khany mein istimal breast size brhata hy
• Koshish krein ky ise khorak itimal krein jis mein viamin e ziada ssy ziada ho. Vitamin e ky teil yani oil ki breast r malish krny sy breast size brhta hy
• Khany mein soya bean oil ziada istimal krein is sy breast size brhta hy
• Pupeety ka rozana ik tukra khany sy breast size brhta hy
• Khjoor ka khany mein istimal breast size brhany mein mufeed hy
• Grm cheezein khaee jein jesy aam or khjoor is sy breast enlarge ho jati hein
• Angoor ky beej khany sy breast size brhta hy
• Kely ka milk shake breast bry krny mein nhiat mufeet hy
• Ik andy ko phent yani beat krein yahan tk ky wo creamy ho jyey isko breast ky nichly hisy mein lga kr min ky lyey chor dein khushk hony py saf kr lein
• Shehtoot or strawberry bhi breast size brhany mein nhiat mufeed hein
• Esa food istimal krein jis mein magnesium ziada ho yeh sex harmones brhata hy or breast size bhi brhta hy
• Kelay, khrboozy or lemmo ko mix kr ky juice bnein or is ko peny sy breast size brhta hy
• Wazan kam karny wali pills na lein kio ky yeh breast size ko km krte hein
• Shahed yani honey ky breast py massage sy breast size brhta hy yeh nuskha nhiat muffed hy.

Desi Totkay for Stomach in Urdu – Maiday k Liye

Mashor kahawat hai ky insaan wo hi hai jo who khata hai, agar kisi jaga kay rahnay walay machli ka istmal ziada kartay hai to un ka dimag taiz ho ga,  agar gundum zaida khatay hai tou un mey garmi ziada ho gi ,aur agar pani zaida peetay hai tou unki jild zaida saaf ho gi. Khoraq jo bhi khaie jai magar yeh hamara maiday (stomach) hi hai jo us khoraq ko process kar kay hamaray istamal kay qabil banata hai or agar yeh maida yani stomach sahi kam na karay tou phir kisi kism ka kam bhi nahi ho pata or jism bhi kamzoor hona shuroo ho jata hai.

Hamray jism kay her hissay ki tarha maida ya stomach bhi aik mukamil machines hai jis ka kam khoraq ko hazm kana or jism kay baqi hisoo kay istamal kay qabil banana hai. Agar yeh maida ya stomach kam karna chor day tou phir jism ka koie bhi hisa mehfooz nahi rahta.

Jism ka sara nizam mukhtalif kam karta hai or maiday ka kam jism kay liyay taqat ka hasool hai, jo who khoraq say layta hai. Likan agar khoraq mutawazun na ho or kafi arsay tak junck food pay guzara ho tou maiday per is kay asarat aanay shuro ho jatay hai or saray jism ko is ka nuksan puhanchta hai.

Maiday ki sehut kay liyay zaroori hai kay mutawazun khoraq khaie jai or zaida chickni or mushkil say hazm honay wali cheezo say bacha jai.

Maiday ko din may kam iz kum adha waqt arram bhi milna chahiyay, is kay liyay hamay apnay khano kay doran waqfa zaroor dayna chahiyay. Subh kay nashtay ko badshaho ki tarha yani khob dut kar khana chaiyay or dopahar kay khanay ko buhut hi light hona chahiya. Raat ko sonnay say 2 say 3 ghantay pahlay khana kha layna chahiyay takay sonay kay doran maida ko bhi sakoon mil jai or aglay din kay liyay hamara maida bhi fresh or tayar ho.

Totkay for Stomach:

• Woh sabzian or phul khas tour par jin may fiber ki miqdar zaida hoti hai maiday kay liyay buhut mufeed hai.
• Khanay say pahlay pani penay say over eating say bacha ja sakta hai jis say maida bhar jata hai or bhook kum hoti hai.
• Khanay kay doran pani peena say itna nuqsan nahi hota jitna khnay kay baad pani peenay say hota hai.
• Papaya maida ki sahut kay liyay buhut acha phul hai. Hazmay ko durst karta hai or sath hi jism ko sehutmund bhi karta hai.wazan ko kum bhi karta hai.
• Khanay kay baad sonf khanay say maiday ko khana hazm kanay mey asani hojati hai or khorak jism ka acha hisa banti hai.
• Sham ki chia ki jaga agr kabhi kahwa pi liya jai tou yeh bhi maiday ki sehut kay liyay buhut mufeed hai.
• Green tea kay elawa bhi dosray kahway muslan lemon grass tea or adrak ka kahwa wagaira maiday ki safie or sehut kay liyay buht azmoda nuskha hai.
• Mainday k dard yani stomach ache  k liye kela , chawal,  double roti yani toasts,  adrak , naryal ka pani behtareen chezain hain.
• 12-15 minut ki walk bhi stomach ki kai problems main faida deti hai. Agar yeh walk tez yani briskly kar saken tu aur bhi acha hai.
• Golai (circular motion) main pait ko ihestegee se  5-7 mintues dabana bhi maiday k dard main mofeed hota hai.
• Hamesha thori bhook rakh kar khaen – yani kabhi bhi maida bohat ziada na bharaen.

DARK UNDER ARMS:

****************
olive oil 1tsp
lemon juice 1tsp
turmeric powder 1/2 tsp
coconut milk or cucumber juice 1tsp
mix all these ingredients and apply on ur underarms,leave for 10 mins and and wash.use daily for a month.

DRINK FOR HEALTHY GLOWING SKIN/ SHINNY HAIR/ ENERGY DRINK:

************************

1 cup warm milk, 1 tsp kewra, 2 to 3 almonds crushed, some pistachios crushed, 2 to 3 raisins (kishmish), a pinch of saffron, chaandi ka warq, 1 tsp rosewater. Drink twice a day.