Kia ap kay baal yani hair khushk aur khurdary hain? Kia aap chahti hain ka yap kay baal (hair) chamakdaar and lambay ho jayein? Kia aap tarah tarah kay shampoo aur conditioners istemaal kar kar kay thak chuki hain? Ap ko chahayei kay aap ab homemade yani gharelu hair beauty tips aur totkay azmayein. Hum aap ko woh asaan tareeqay batayein gay jo ap kay baalon ko na sirf khoobsoorat, silky, naram aur lambay karnay mein madad karein gay balkay ap kay husn o khoobsoorti mein char chand lag jayein gay. Tau ayei ghar mein mojood ashyia se apnay balon ko khoobsoorat aur ghanaa banana kay tareeqay seekhayei.
Homemade Hair Beauty Tips:
Baalon yani hair kay kam honay ya girnay ki kayi aik wajoohaat hain. Baaz logo kay sir mein khushki ki wajah se bhi un kay baal girna shru ho jatay hain. Baalon kay badronaq aur khushk honay ki wajah sey un kay chehray ka qudrati husn bhi kam ho jata hai. Lambay aur ghanay baal khoobsoorat shakhsiyiat ka ainadaar hain. Chunanchay sab se pehlay aap apnay baalon ki sehat per tawajah dena shru kar dijye. Baalon ko mazboot aur ghana do tareeqon se banaya jaa skta hai. Pehla tareeqa yeh hai kay apni khoraak ko behtar kijye aur doosra tareeqa yeh hai kay aap apnay baalon ki jaron mein tail lagayei, unhay saaf rakhayei aur her kisam ki muzer e sehat ashyia se perhaiz kijye. Balon ko in baton sey nuqsaan pohunchta hai jaisay kay chemical milay huye shampoo, zaroorat se zyada blow dryer ka istemal, dhool, mitti aur gard se baalon ka satyianaas hona waghaira waghaira.
Pehla tareeqa yeh hai kay aap apni khoraak mein doodh aur dehi ka istemal barha dain. Dhoodh peenay se ap kay baal aur nakhun donno sehatmand rehtay hain aur mazboot hotay hain. Doodh se sir dhonay sey ap kay baalon ki jarain mazboot hoti hain aur baal ghanay aur chamakdaar hotay hain. Thora saa doodh aur dehi lay lijye aur is ko apnay baalon mein bator e conditioner lagayei. Kuch dair laga rehnay dijye aur phir shampoo ker lijye.
Balon(hair) ki chamak barhanay kay liye aap badam, zaitoon, khopray ki giri aur sarson ka tail istemal kar sktay hain. Ap mosam kay hisab se tail ka intekhaab kijye. Garmiyion kay mosam mein sarson ka tail behtreen hai jab kay sardion kay mosam mein zaitoon aur khopray ki giri ka tail istemal kijye. Tail laganay pehlay apnay sir ki jild ko geela kar lijye aur phir kisi brush, rooyi kay pholay ya apni ungliyion ki madad se tail ko sir ki jild mein yu lagayei kay wo jazb ho jaye. Kuch dair laga rehnay dijye aur phir kisi achay se shampoo sey sir dho lain. Haftay mein ik baar deep conditioning kijye. Anday ki zardi lay lain aur us mein kuch qatray badam kay tail kay aur kuch qatray leemoo kay rus kay daal ker is ka mixture bana lain aur sir mein balon ki jaron mein lagayei. Kuch dair laga rehnay dijye aur phir dho daalyei. Yeh behtreen aur azmooda tareeqa hai. Iss kay istemal say ap kay baal khoobsoorat aur mazboot ho jayein gay.
No comments:
Post a Comment